സ്വന്തം കുഞ്ഞിന്റെ ജീവന് നടുറോഡില് പൊലിയുന്നത് നെഞ്ചുപൊട്ടി കാണേണ്ടി വന്നൊരു അമ്മ, ലോറി തട്ടി നടുറോഡില് കിടന്ന കുഞ്ഞിനെ വാരിയെടുത്ത് രക്ഷിക്കാന് ആവത് ശ്രമിച്ചൊരു മാതൃഹൃദയം.
കുഞ്ഞിന്റെ ചേതനയറ്റ ശരീരവുമായി തെരുവില് അലഞ്ഞവള്. അവള്ക്ക് പേരില്ല, സ്നേഹത്തിന്റെയും മാതൃത്വത്തിന്റെയും മഹിതമായ മനസുള്ളവരുടെ കണ്ണുകള് ഈറനണിയിപ്പിച്ച അവളൊരു മിണ്ടാപ്രാണി തെരുവുനായ.
എടപ്പാള് - കുറ്റിപ്പുറം റോഡില് വിക്ടറി ഐടിക്ക് മുന്നിലായിരുന്നു തന്റെ കുഞ്ഞിനെ അപകടത്തില് നഷ്ടമായ തെരുവുനായയുടെ വേദനയാല് നിറഞ്ഞ നിമിഷങ്ങള്. ലോറിയിടിച്ച് ജീവന് വേണ്ടി പിടയുന്ന തന്റെ കുഞ്ഞിനെ രക്ഷപ്പെടുത്താന് മനുഷ്യരുടെ സഹായം അഭ്യര്ഥിക്കുന്ന വികാര നിര്ഭരരംഗങ്ങളായിരുന്നു അത്.